No er garden open!

Tradisjon tru har vi no hatt opningsdugnad, og garden er klar for sommaren.

Både hus og stabbur har blitt skrubba frå tak til golv, vatn har blitt kopla til, og gjerde gjort klare for dyra.

Fjorten menneske har gjort sitt ytterste for å få dette til, både kjente dugnadsfolk og nytt av året, 6 asylsøkarar frå mottaket i Ålesund. Liza og familien var her å feira jul også og var godt kjente med Skotet.

- Eg lærte å lage karameller på gamalt vis då vi var her i jula, og no lagar eg fleire til resten av dugnadsgjenen også!

Innsatsen var formidabel frå alle på Skotet denne helga, og vi koste oss i godt vårvær.

Så no er det berre å ta turen til Ytste Skotet, garden er betjent heilt fram til 1. oktober, og skyssbåten vår ”MS Line” fraktar dykk gjerne over fjorden.